Fransanın bəzi addımları Vətən müharibəsindən sonra Cənubi Qafqazda sülhün təmin olunmasına mane olur. Bunu Milli Məclisin Azərbaycan-Fransa parlamentlərarası əlaqələr üzrə işçi qrupunun rəhbəri Soltan Məmmədov deyib.
Onun sözlərinə görə, Fransa Ermənistanın maraqlarını müdafiə etməyi davam edir: “Bu, həmin ölkənin Ermənistanla Azərbaycan münasibətlərinin normallaşmasında iştirakının nə dərəcədə səmərəli ola biləcəyinə dair müəyyən suallar yaradır”.
Deputat Fransanın müxtəlif təşəbbüslərlə regiondakı proseslərdə əsas oyunçu rolunu üzərinə götürməyə çalışdığını vurğulayıb.
“Azərbaycan ictimaiyyəti Fransanın vasitəçi kimi prosesdə iştirakını dəstəkləmir. Çünki biz 30 il ərzində ATƏT-in Minsk Qrupunun həmsədri olmuş bu ölkənin işğalçılıq faktına laqeyd münasibətinin şahidi olmuşuq”,- deyə ictimai xadim əlavə edib.
