Azərbaycan gömrükçüləri tarixi əhəmiyyətli əşyaların qaçaqmalçılıq yolu ilə keçirilməsinin qarşısını alıblar. Bu barədə iyunun 29-da Dövlət Gömrük Komitəsindən məlumat verilib.
“Qırmızı Körpü” gömrük postunda Azərbaycandan keçməklə Türkiyədən Rusiyaya gedən yük avtomobili saxlanılıb. Avtomobildə gizlədilən bağlamalara keçirilən baxış zamanı oradan külli miqdarda qızıl və gümüş sikkə, həmçinin müxtəlif tarixi əhəmiyyətli predmetlər aşkar edilib.
Dövlət Ekspert Komissiyasının rəyinə əsasən, təqdim olunan predmetlər bizim eranın əvvəlləri və orta əsrlərə məxsus, Roma imperiyası və Bizans imperiyası dövrünə aid olub.
Faktla bağlı araşdırma aparılır.
