Dövlət qulluğunda fəaliyyətin davam etdirilməsi üçün inzibati vəzifələr üzrə mayın 8-də imtahan keçiriləcək. Bu haqda Dövlət İmtahan Mərkəzi məlumat yayıb.
BB vəzifə qrupuna aid olan vəzifələr üzrə test verənlər verilən linkə daxil olub “İmtahana buraxılış vərəqəsi”ni çap edə bilərlər. İmtahan saat 11:00-da başlanır və 2 saat 30 dəqiqə davam edir.
Digər vəzifə qrupları (AB, AC, BA) üzrə olan imtahanlar isə kompüter vasitəsilə Bakıda (Nəsimi rayonu, Abdulvahab Salamzadə küçəsi, 28) keçiriləcək. Qiymətləndirilmə saat 11:00-da start götürəcək.
Namizədlər yoxlanılacaq bilik sahələri, test tapşırıqlarının sayı və vəzifə altqrupları üzrə keçid balları ilə buradan tanış ola bilərlər.
