Baş Dövlət Yol Polisi İdarəsi nəqliyyat vasitələrinin yorğun, yuxusuz idarə olunması ilə bağlı sürücülərə müraciət edib. Bu haqda iyunun 15-də Report xəbər verib.
“Son günlər, xüsusilə yük avtomobillərinin sürücüləri arasında günün işıqlı vaxtının uzanmasını fürsət bilərək istirahət etmədən uzun müddət fasiləsiz avtomobil idarə edən şəxslərə çox rast gəlinir ki, bu da təhlükəsizlik baxımından yolverilməzdir”, - deyə məlumatda bildirilir.
Sürücülərə 2-3 saatlıq fasiləsiz hərəkətdən sonra DYP-nin stasionar postlarında dayanaraq qısa müddətə istirahət etmələri tövsiyə edilir.
