Bakı-Quba-Rusiya ilə dövlət sərhədi avtomobil yolunun 88-ci kilometrliyindən başlayaraq paytaxt istiqamətində tikinti-bərpa işləri aparılır.
Sözügedən avtomobil yolunda baş vermiş ağır yol-nəqliyyat hadisələrinin bir daha təkrarlanmaması üçün mayın 14-də Baş Dövlət Yol Polisi İdarəsi sürücülərə müraciət edib.
“Sürücülərdən həmin yolda hərəkət edərkən diqqətli olmaları, sürət rejiminə, yol nişanlarının, nişanlama xətlərinin tələblərinə əməl etmələri, ötmə və manevretmə zamanı ehtiyatlı olmaları xahiş olunur”, - deyə bildirilib.
