Bakının Ekspo Mərkəzində “Caspian Agro” və “InterFood Azerbaijan” sərgilərində mikro və kiçik sahibkarlar məhsul və xidmətlərini təqdim edirlər. Bu barədə 18 may tarixində Kiçik və Orta Biznesin İnkişafı Agentliyi məlumat verib.
Məlumata əsasən, xüsusi stendlərdə 12 mikro, kiçik və orta sahibkarlıq subyektinin meyvə və tərəvəz, çörək və un məmulatları, qurudulmuş meyvələr və çipslər, təbii otlar və ədviyyatlar, göbələk, bal, zəfəran, souslar, süd və süd məhsulları, meyvə şirələri, gübrələr və s. məhsullar nümayiş olunur.
Bundan əlavə, KOBİA-nın stendində Balakən, Zaqatala və Qax rayonlarından olan 23 sahibkarlıq subyektini əhatə edən "Yurdumun ləzzəti" brendi altında istehsal olunan məhsullar sərgilənir.
Qeyd edək ki, sərgilər mayın 20-dək davam edəcək.
