Energetika naziri Pərviz Şahbazov Birləşmiş Ərəb Əmirliklərinə (BƏƏ) səfəri çərçivəsində “Masdar” şirkətinin baş icraçı direktoru Mohamed Jameel Al Ramahi ilə görüşüb. Bu barədə 11 may tarixində Nazirliyin rəsmi səhifəsində məlumat verilib.
Məlumata əsasən, görüşdə bərpa olunan mənbələrdən enerji istehsalı üzrə əməkdaşlığın yeni layihələrlə genişləndirilməsi əsas müzakirə obyekti olub. “Masdar” şirkətinin “yaşıl” enerji üzrə yeni əməkdaşlıq təklifləri dəyərləndirilib.
Qeyd edək ki, cari ilin mart ayında Azərbaycanda 230 meqavat gücündə olan “Qaradağ” Günəş Elektrik Stansiyasının təməli qoyulub. Dəyəri 200 milyon dollar təşkil edən layihə “Masdar” şirkəti tərəfindən həyata keçirilir.
Abu-Dabidə @Masdar şirkətinin baş icraçı direktoru Mohamed Jameel Al Ramahi ilə #YaşılEnerji üzrə yeni təklifləri dəyərləndirdik. pic.twitter.com/slGGAAYbmv
— Parviz Shahbazov (@ParvizShahbazov) May 11, 2022
