Bu günə kimi TANAP və TAP ilə Türkiyə və Avropaya 29 milyard kubmetr Azərbaycan qazı nəql edilib. Bu sözləri iyunun 2-də energetika naziri Pərviz Şahbazov Bakı Enerji Forumundakı çıxışında söyləyib.
Həmin qazın 6,8 milyard kubmetri bu ilin payına düşüb. 2022-ci ilin sonuna kimi 16 milyard kubmetr qazın ixrac edilməsi planlaşdırılır.
Həmçinin nazir öz çıxışında bildirib ki, cari ildə Avropaya 10 milyard kubmetr "mavi yanacaq" nəql olunacaq.
Türkiyəyə Azərbaycanın “Şahdəniz” yatağından hasil edilən təbii qaz nəql olunur. Bu qaz qonşu dövlətin bazarına Bakı-Tbilisi-Ərzurum kəməri və TANAP vasitəsilə çatdırılır. Bakı-Tbilisi-Ərzurum-la Türkiyəyə ilk qaz 2007-ci ildə, TANAP-la isə 2018-ci ildə daxil olub.
