Sosial şəbəkələrdə bəzi turizm şirkətlərinin Bakı – Şuşa istiqamətində turlar təşkil etməsi ilə bağlı mayın 6-da Dövlət Avtomobil Nəqliyyatı Xidməti xəbər yayıb.
Aprelin 26-da Şuşa və Ağdam istiqamətində müntəzəm avtobus reyslərinə may ayı üzrə biletlər satışa çıxarılandan sonra bir neçə şəxs Əhmədbəyli – Şuşa – Əhmədbəyli reysinə müxtəlif şəxslərin adına müxtəlif tarixlərə, lakin qrup şəklində biletlər alıb.
Həmin şəxslər etiraf ediblər ki, sosial şəbəkələrdə Şuşaya turların təşkil edilməsi ilə bağlı elanlar yerləşdirərək əvvəlcədən vətəndaşlardan şəxsiyyət vəsiqələrinin surətlərini alıblar.
Onlara belə fəaliyyəti birmənalı dayandırmaları haqqında ciddi xəbərdarlıq edilib. Artıq həmin elanlar şirkətlərin sosial şəbəkə hesablarından silinib.
Qeyd edək ki, may ayından etibarən Bakı–Şuşa–Bakı istiqamətində həftənin 4 günü, Əhmədbəyli – Şuşa – Əhmədbəyli istiqamətində isə həftənin 3 günü səfər etmək mümkündür.
[gallery size="full" columns="1" link="file" ids="46762"]
