Füzuli şəhərində iki nəfərin ölümü ilə nəticələnən yol qəzasında xəsarət alan sürücü Şuşa Rayon Polis Şöbəsinin Yol Polisi Bölməsinin rəisidir. Bu haqda martın 14-də APA Daxili İşlər Nazirliyinə istinadən xəbər verib.
Polis rəisi xəstəxanaya yerləşdirilib.
***
14:00
Martın 13-də saat 14:00 radələrində Füzuli rayonunda iki nəfərin ölümü ilə nəticələnən yol qəzası baş verib. Bu barədə martın 14-də Report xəbər paylaşıb.
Məlumata görə, iki “Mercedes” markalı avtomobil toqquşub. Nəticədə sürücülərdən biri və onun sərnişini hadisə yerində həlak olub. Digər sürücü və üç sərnişini isə xəstəxanaya çatdırılıblar.
Faktla bağlı Füzuli Rayon Polis Şöbəsində araşdırma davam edir.
View this post on Instagram
