Azərbaycan Qran-prisinin keçirilməsi müddətinin uzadılmasına dair Formula 1 rəhbərliyi ilə danışıqlara başlanılıb. Bu barədə iyunun 14-də Trend Bakı Şəhər Halqası Əməliyyat Şirkətinin icraçı direktoru Arif Rəhimova istinadən məlumat verib.
“Biz Formula 1-lə danışıqlara başlamışıq və hələlik qərar barədə danışmaq tezdir. Bunda hər iki tərəf maraqlıdır və gələcəkdə düzgün balans tapsaq, o zaman yarışın uzadılması ehtimalı var”, - deyə A.Rəhimov qeyd edib.
Formula 1 Azərbaycan Qran-prisi iyunun 10-12-də baş tutub. Bakı trekinin uzunluğu 6 kilometr təşkil edib. 10 komandanın iştirak etdiyi yarışda “Red Bull Racing” komandasının niderlandlı pilotu Maks Ferstappen qalib gəlib.
