“Formula 1” üzrə Azərbaycan Qran-prisinə hazırlıq işləri ilə əlaqədar 6, 10, 53, 77 və 205 nömrəli müntəzəm marşrutların hərəkət sxemi dəyişdiriləcək. Bu haqda iyunun 2-də Bakı Nəqliyyat Agentliyi məlumat yayıb.
Adıçəkilən avtobusların hərəkət sxemi müvəqqəti olaraq Azərbaycan prospekti - Ə.Cavad küçəsi - B Sərdarov küçəsi ilə təşkil ediləcək.
Qeyd edək ki, Azərbaycan Qran-prisi iyunun 10-12-də baş tutacaq. Təhlükəsizlik baryerlərinin quraşdırılması səbəbindən İstiqlaliyyət küçəsinin Bünyad Sərdarov, Məmməd Əfəndiyev və Murtuza Muxtarov küçələri ilə kəsişmələri bağlanıb.
DYP Formula 1-lə bağlı sürücülərə alternativ yollar təqdim edib.
