Füzuli Rayon Mərkəzi Xəstəxana katibliyinin bölmə müdiri Vüqar Əliyev döyülüb. Bu barədə mayın 6-da Report-a V. Əliyev özü məlumat verib.
O qeyd edib ki, ötən gün, mayın 5-də saat 16 radələrində üç nəfər şəxs xidməti otağında onu təhqir edərək döyüblər.
Belə ki, yaş həddinə görə işdən çıxarılan, kənd məntəqəsində feldşer işləmiş 72 yaşlı Oktay Əliyevin qohumları buna etiraz ediblər. Oktay Əliyevin oğlu Orxan və yeznəsi Yasin adlı şəxs içkili halda V. Əliyevə fiziki zorakılıq göstərərək döyüblər. Hətta Orxan onu boğaraq öldürməyə də cəhd edib. Onlar xəstəxananın direktoruna da hədə-qorxu gəliblər.
Zərərçəkən bildirib ki, məsələ ilə əlaqədar aidiyyəti üzrə müraciət edilib, polisə də məlumat verilib.
Məsələ ilə bağlı Füzuli Rayon Polis Şöbəsində araşdırma aparılır.
