Gəncə Apellyasiya Məhkəməsində 38 yaşlı qadın keçmiş qayınanasının barmaqlarını sındırıb. Bu haqda mayın 25-də Qafqazinfo məlumat yayıb.
2018-ci ildə məhkəmə boşanmış cütlüyün 4 övladının atasında qalmasına qərar verib.
Bundan sonra ana Ali Məhkəməyə kassasiya şikayəti verib.
Bu dəfə apellyasiya instansiyası uşaqlardan 2-nin anasına verilməsinə qərar verib. Həmin vaxt məhkəmənin gözləmə zalında gəlin və onun keçmiş qayınanası arasında münaqişə baş verib. Övladlarının atasında qalmaq istəməsi, nənələrinin tərəfini tutmaları gəlini daha da özündən çıxarıb. O, keçmiş qayınanasına hücum edərək ona təpiklə zərbə endirib və 3 barmağını sındırıb.
Qayınanasına xəsarətlər yetirməsinə görə gəlinə “qəsdən sağlamlığa az ağır zərər vurma” maddəsilə iş açılıb.
Məhkəmədə döyülən qadın keçmiş gəlininin həbs edilməsini tələb edib.
Şahid kimi çıxış edən təqsirləndirilən şəxsin övladları da analarının əleyhinə ifadə verib.
