Mayın 13-də Gəncə şəhərində növbəti KOB Fest sərgi-satış yarmarkası təşkil olunacaq. Bu barədə 11 may tarixində Kiçik və Orta Biznesin İnkişafı Agentliyi məlumat verib.
Məlumata əsasən, yarmarkada Gəncə şəhərinin və ətraf rayonların KOB subyektləri tərəfindən istehsal edilən qida və qeyri-qida məhsulları və yaradıcı şəxslərin əl işlərinin satışı həyata keçiriləcək. Sərginin məqsədi istehsal olunan məhsulların satışına dəstək olmaq və yerli məhsulları tanıtmaqdır.
KOB Fest sərgi-satış yarmarkası Gəncə şəhərində Xan bağının ərazisində təşkil olunacaq. Sərgi saat 10:00-dan 20:00-dək ziyarətçilər üçün açıq olacaq.
