Gəncədə sürət həddini aşan, yol hərəkəti qaydalarını kobud şəkildə pozan və avtoxuliqanlıq edən sürücü saxlanılıb. Bu barədə mayın 9-da Daxili İşlər Nazirliyindən APA-ya məlumat verilib.
Şəhər sakini Rufan Həsənov idarə etdiyi “LADA” markalı avtomobillə yollarda intizamsızlıq edərək ictimai asayişi pozub və vətəndaşların narazılığına səbəb olub. Sürücünün narkotikin təsiri altında olduğu da müəyyən edilib.
Həmin şəxs barəsində tərtib olunmuş inzibati protokol baxılması üçün məhkəməyə göndərilib. Məhkəmənin qərarı ilə R.Həsənov sürücülük hüququndan 1 il müddətinə məhrum olmaqla 15 sutka inzibati qaydada həbs edilib.
