Goranboyda tanışını qətlə yetirən şəxsə Gəncə Ağır Cinayətlər Məhkəməsində iyunun 6-da hökm oxunub. Bu barədə APA məlumat verib.
Hökmə əsasən, təqsirləndirilən şəxs 17 il 6 ay müddətinə azadlıqdan məhrum edilib.
O, 2021-ci il noyabrın 10-da 53 yaşlı tanışını Yevlaxdan Goranboyun Ballıqaya kəndinə gətirib. Daha sonra isə təqsirləndirilən şəxs orada şəxsi münasibətlər zəminində aralarında yaranmış mübahisə zamanı tanışının başını daşla əzərək onu öldürüb.
Qətlə yetirilmiş şəxsin cəsədi noyabrın 13-də aşkarlanıb.
Faktla bağlı “qəsdən adam öldürmə” maddəsilə cinayət işi başlanılıb, cinayəti törədən 44 yaşlı şəxs isə saxlanılaraq istintaqa təhvil verilib.
