Ümummilli lider Heydər Əliyevin anadan olmasının ildönümü çərçivəsində bu gün, mayın 10-da Tbilisidə “Gələcəyə aparan yol” adlı sərginin açılışı baş tutacaq. Bu barədə Report məlumat verib.
Sərgi Azərbaycan səfirliyinin təşəbbüsü ilə Gürcüstanın Təsviri İncəsənət Muzeyində keçiriləcək. Heydər Əliyevlə Eduard Şevardnadzenin dostluğuna həsr olunan sərgi mayın 15-dək davam edəcək.
Həmçinin Tbilisidəki Heydər Əliyev adına parkda ümummilli liderin anadan olmasının 99-cu ildönümü ilə bağlı anım mərasimi keçirilib. Azərbaycanın Gürcüstandakı səfirliyinin nümayəndələri, “SOCAR Energy Georgia” şirkətinin əməkdaşları və azərbaycanlı iş adamları ulu öndərin büstünün önünə gül dəstələri düzüblər.
Bununla yanaşı, Heydər Əliyevin xatirəsi Rustavi şəhərindəki abidəsi önündə də yad ediləcək.
