Sabirabadda təcili yardım maşını ilə digər avtomobilin toqquşması nəticəsində 5 nəfər xəsarət alıb. Bu barədə İnsanoid Report-a istinadən bu gün, 19 sentyabr tarixində xəbər verir.
Hadisə rayonun Qalağayın kəndi ərazisində qeydə alınıb.
Ötən gün axşam saatlarında İmişli rayon sakini, 41 yaşlı Dilarə Həziyeva hamilə olduğundan “Mercedes” markalı təcili yardım maşını ilə Sabirabad Rayon Mərkəzi Xəstəxanasının doğum şöbəsinə gətirilərkən "VAZ-21015" markalı nəqliyyat vasitəsi toqquşub.
Nəticədə İmişli rayon sakinləri, təcili yardım stansiyasının tibb bacısı, 59 yaşlı Aidə Abdullayeva, 43 yaşlı Aynur Vəliyeva, “VAZ-21011” markalı avtomobilin sürücüsü, Sabirabad şəhər sakini, 54 yaşlı Muxtar Cəfərov və onun həmyerlisi, 36 yaşlı Ceyhunə Vəliyeva müxtəlif dərəcəli xəsarətlər alıblar.
Yaralılar Sabirabad Rayon Mərkəzi Xəstəxanasına yerləşdiriliblər.
Yüngül xəsarət alan hamilə qadın D.Həziyeva isə doğum şöbəsinə qaldırılıb.
Faktla bağlı araşdırma aparılır.
