Dekabrın 29-da Nizami Gəncəvinin 880 illiyi ilə əlaqədar Heydər Əliyev Sarayında “Beş qapı” tamaşası təqdim olunacaq. Bu haqda dekabrın 7-də sarayın mətbuat xidmətindən məlumat verilib.
Nizami Gəncəvinin “Xəmsə”sinin motivləri əsasında hazırlanan tamaşada hər qapı bir poemanın konsepsiyasına uyğun məzmun və ideyanı özündə birləşdirəcək. Tamaşada teatral, xoreoqrafik, pantomim elementlərdən ibarət təsvirlərin qısa təhlili və canlandırılması nəzərdə tutulur.
Biletləri şəhərin kassalarından əldə etmək mümkündür. Qiymətlər 10 manatdan 30 manatadək dəyişir.
