Azərbaycan Rusiya-Ukrayna görüşünə ev sahibliyi etməyə hazırdır. Bu barədə 12 mart tarixində Azərbaycan Prezidentinin köməkçisi Hikmət Hacıyevə istinadən Report məlumat verib.
Hikmət Hacıyevin sözlərinə görə, Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan Ukraynada müharibənin dayandırılması istiqamətində səy göstərirlər. O qeyd edib ki, ölkəmiz əvvəllər ABŞ və Rusiya arasında yüksək səviyyəli şəxslərin görüşünə, həmçinin NATO-Rusiya danışıqlarına ev sahibliyi edib: “Azərbaycan nə NATO, nə də KTMT üzvüdür. Azərbaycan Qoşulmama Hərəkatının sədridir. Bu xüsusda düşünürük ki, tərəflərin hər biri özünü rahat hiss edə bilir”.
