Horadiz-Cəbrayıl-Zəngilan-Ağbənd avtomobil yolunun (Zəngəzur dəhlizi) tikintisi davam etdirilir. Bu haqda mayın 13-də AAYDA xəbər verib.
Yol boyu 3 avtomobil tunelinin inşası aparılır.
Uzunluğu 1 019 metr təşkil edən T1 tuneli üzrə artıq qazma işləri yekunlaşıb, hazırda beton işləri icra olunur. Uzunluğu 1 810 metr təşkil edən T2 tuneli üzrə 450 metr, uzunluğu 3 171 metr təşkil edən T3 tunelinin isə 500 metr hissəsində qazma işləri aparılıb.
Yol boyunca 15 avtomobil körpüsü, 5 yolötürücü, 54 yeraltı keçidin inşası da nəzərdə tutulub. Hazırda 14 körpü, 3 yolötürücü, 38 yeraltı keçidin tikintisi aparılır.
Tikinti işlərinin 2024-cü ildə başa çatdırılması planlaşdırılır. Horadiz-Cəbrayıl-Zəngilan-Ağbənd avtomobil yolu Zəngilanı Azərbaycanın digər rayonları və Naxçıvan Muxtar Respublikası ilə birləşdirmək baxımından çox böyük əhəmiyyətə malikdir.
[URIS id=48163]
