Bu gün, iyunun 27-də İspaniyanın Madrid şəhərində şahmat üzrə İddiaçılar turnirinin 9-cu turunun oyunları baş tutacaq.
Azərbaycan təmsilçisi Teymur Rəcəbov ağ fiqurlarla ABŞ-dən olan Hikaru Nakamura ilə üz-üzə gələcək. Digər oyunlarda Rapportla (Macarıstan) Firuzca (Fransa), Dinqlə (Çin) Duda (Polşa), Karuana (ABŞ) ilə Nepomnyaşi (FİDE) qarşılaşacaq.
Qeyd edək ki, bundan əvvəl Rəcəbov Firuzca ilə 2 dəfə, Nepomnyaşi, Duda, Dinq və Rapportla 1 dəfə heç-heçə edib, Nakamura və Fabiano Karuanaya isə uduzub.
8 oyunun nəticəsinə görə, Rəcəbov 3 xalla turnir cədvəlində Firuzca və Duda ilə 6-8-ci yerləri bölüşür. Turnir cədvəlinə 6 xala malik Nepomnyaşi başçılıq edir.
[gallery columns="1" size="full" link="file" ids="56141"]
