İki il əvvəl törədilmiş qətlin üstü açılıb. Bu barədə mayın 31-də Report xəbər yayıb.
2020-ci il martın 28-də İsmayıllı rayonunun Tubukənd kəndində kişi meyiti tapılmışdır. Mərhumun Bakı şəhər sakini, əvvəllər dəfələrlə məhkum olunmuş Rəşad Məmmədov olması məlum olmuşdur.
Belə ki, Ümidvar İbişov və əvvəllər məhkum olunmuş Elvin Əliyev narkotik asılılığından əziyyət çəkən tanışları Rəşad Məmmədovu xəstəxanaya yerləşdirmək adı ilə avtomobildə Qaradağ rayonuna aparıblar. Orada avtomobilin salonunda Ümidvar İbişov onu boğaraq öldürüb. Onlar cinayəti gizlətmək üçün cəsədi İsmayıllı rayonunun Tubukənd kəndinə aparıb, üstünə yanacaq tökərək yandırıblar.
Əməliyyat tədbirləri ilə Ümidvar İbişov və Elvin Əliyev şübhəli şəxs qismində tutularaq istintaqa təhvil verilmişlər.
