1941-45-ci illərdə İkinci Dünya müharibəsi zamanı Sovet İttifaqında istehsal olunan neftin 70%-dən çoxu, benzinin 80%-i və mühərrik yağlarının 90%-i Azərbaycanın payına düşüb. Bu haqda mayın 9-da Xarici İşlər Nazirliyi bəyanat yayıb.
Qələbənin təmin edilməsində həlledici rol oynamış sovet ordusunun tank və təyyarələrinin tam əksəriyyəti Bakı neftçilərinin göndərdiyi yanacaqla hərəkətə gətirilib.
Qeyd edək ki, bu gün İkinci Dünya müharibəsində qələbənin 77 ili tamam olur. Müharibədə Azərbaycanın 600 mindən çox oğul və qızları iştirak edib. Onlardan yarıdan çoxu döyüş bölgələrində həlak olub və itkin düşüb. Göstərdikləri igidliyə görə 123 Azərbaycan vətəndaşı Sovet İttifaqı Qəhrəmanı adına layiq görülüb, 170 mindən çox əsgər və zabitimiz müxtəlif orden və medallarla təltif edilib.
