Azərbaycanın enerji ehtiyatlarına tələbat artmaqdadır. Bu barədə iyunun 16-da Prezident İlham Əliyev IX Qlobal Bakı Forumundakı çıxışı zamanı bildirib.
“Biz artan tələbatı ödəmək üçün əlimizdən gələni edirik. Son aylar ərzində biz bir neçə Avropa ölkəsindən qaz təchizatı ilə bağlı müraciət almışıq”, - deyə ölkə rəhbəri qeyd edib.
Dövlət başçısı əlavə edib ki, bunun həyata keçirilməsi üçün Azərbaycan qaz istehsalını artırmalıdır. Bununla bağlı Avropa Komissiyası ilə əməkdaşlıq edilir.
