“Beş gün bundan əvvəl Azərbaycan Qarabağda suverenliyini tam bərpa etdi”. Bunu Azərbaycan Prezidenti İlham Əliyev sentyabrın 25-də Türkiyə Prezidenti Rəcəb Tayyib Ərdoğanla mətbuata birgə bəyanatla çıxış edərkən bildirib.
Bu barədə 25 sentyabr tarixində Report xəbər verir.
Prezident qeyd edib ki, Qarabağdakı ermənilər Azərbaycan vətəndaşlarıdırlar.
“İkinci Qarabağ müharibəsi, beş gün əvvəl tam suverenliyimizin bərpa olunması tarixi hadisələrdir. Biz haqlı olaraq, bu hadisələrlə qürur duyuruq”, - Prezident İlham Əliyev söyləyib.
Dövlət başçısı vurğulayıb ki, Ermənistan Azərbaycana qarşı işğalçılıq siyasətinə başlayanda Naxçıvana qarşı da ərazi iddiaları irəli sürürdü: “Azərbaycanın böyük oğlu Heydər Əliyevin rəhbərliyi ilə düşmən geriyə otuzduruldu. Amma Naxçıvan faktiki olaraq, mühasirədə idi”.
