İyunun 26-da Azərbaycan Respublikasının Prezidenti İlham Əliyev Laçın Beynəlxalq Hava Limanında aparılan tikinti işləri ilə tanış olub. Bu barədə 27 iyun tarixində Prezidentin Mətbuat Xidməti məlumat verib.
Məlumata əsasən, təməli 2021-ci ildə qoyulan Laçın Beynəlxalq Hava Limanının tikintisinin 2024-cü ildə tamamlanması planlaşdırılır. Bildirilib ki, Hava limanının uçuş zolağının uzunluğu 3 000 metr, eni isə 60 metr olacaq və saatda 200 sərnişinə xidmət edə biləcək.
Qeyd olunub ki, Hava limanı Laçın şəhərinə 30, Şuşaya 70, Kəlbəcərə 60 kilometrlik məsafədə yerləşir.
