Azərbaycanın Prezidenti İlham Əliyev bu gün, iyunun 22-də Özbəkistanın Daşkənd şəhərindən Ürgənc şəhərinə səfər edib. Bu barədə President.az xəbər paylaşıb.
Azərbaycanın dövlət başçısını Ürgənc şəhərinin Beynəlxalq Hava Limanında Özbəkistanın Prezidenti Şavkat Mirziyoyev qarşılayıb.
Ötən gün, iyunun 21-də isə Azərbaycan və Özbəkistanın Prezidentləri strateji tərəfdaşlığın dərinləşdirilməsi və hərtərəfli əməkdaşlığın genişləndirilməsi haqqında Bəyannamə imzalayıblar. Həmçinin iki ölkənin nazirləri də bir sıra sənədlərə imza atıblar.
