Sentyabrın 27-də - Anım günündə Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva Bakıda tikintisi davam etdirilən Zəfər Parkında olublar. Bu barədə İnsanoid bu gün, 27 sentyabr tarixində xəbər verir.
Anım Günü ilə əlaqədar Azərbaycan Respublikasının Baş naziri Əli Əsədov, Prezident Administrasiyasının rəhbəri Samir Nuriyev, digər dövlət və hökumət rəsmiləri Bakıda inşası davam etdirilən Zəfər parkını ziyarət ediblər.
Dövlət və hökumət rəsmiləri xatirə daşının önünə gül dəstələri düzərək, şəhidlərin əziz xatirəsini ehtiramla anıblar.
Prezident Müzəffər Ali Baş Komandan İlham Əliyevin 2020-ci il 2 dekabr tarixli Sərəncamına əsasən, Vətən müharibəsinin başladığı gün - sentyabrın 27-si Anım Günü kimi qeyd edilir.
[caption id="attachment_132852" align="alignnone" width="696"]
Foto President.az saytı[/caption]
