Azərbaycan Respublikasının Prezidenti, Müzəffər Ali Baş Komandan İlham Əliyev xalqa müraciət edib. Bu barədə İnsanoid bu gün, 20 sentyabr tarixində xəbər verir.
Müraciət televiziya kanalları ilə yayımlanıb.
Azərbaycan Prezidenti: “Birinci dəfə deyil ki, Ermənistan bizə qarşı terror aktı törədir. İkinci Qarabağ müharibəsindən sonra 300-dən çox Azərbaycan vətəndaşı mina terrorunun qurbanı olub”.
İlham Əliyev: "Qarabağda Ermənistan ordusuna məxsus 100-dən çox tank və zirehli texnika, 200-dən çox artilleriya və havadan müdafiə qurğuları yerləşdirilmişdir”.
“Mənim tərəfimdən hərbi birləşmələrimizə Qarabağda mülki əhalinin qorunmalı olduğu ilə bağlı ciddi tapşırıq verilmişdi".
“Əfsuslar olsun ki, antiterror tədbirləri zamanı şəhidlərimiz olub. Allah bütün şəhidlərimizə rəhmət eləsin. Yaralı əsgər, zabitlərimiz olub. Allah onlara şəfa versin”.
“Azərbaycan əsgəri, zabiti həm yüksək peşəkarlıq, həm də yüksək mənəvi keyfiyyətlər göstərmişdir. Aparılmış qısamüddətli lokal xarakterli antiterror tədbirləri nəticəsində düşmənin silah və texnikalarının böyük hissəsi sıradan çıxarılmışdır”.
“Bu gün səhər saatlarında bizə bildirildi ki, şərtlərimiz qəbul edilib. Üstəgəl bir neçə ay ərzində bizim nümayəndələrimizlə görüşdən imtina edən Qarabağda yaşayan erməni icmasının nümayəndələri bizimlə dediyimiz yerdə, Yevlax şəhərində görüşməyə hazırdırlar”.
“Mən əminəm ki, Qarabağda yaşayan erməni əhali tezliklə yaxşılığa doğru dönüşü görəcək. Çünki bizim niyyətimiz sülh, qarşılıqlı anlaşma, qarşılıqlı hörmət əsasında birgə həyat qurmaqdır. Bizim erməni xalqı ilə heç bir problemimiz və ədavətimiz yoxdur".
