İmişlidə 4 il əvvəl törədilən oğurluğun üstü açılıb. Bu haqda iyunun 18-də Daxili İşlər Nazirliyinə istinadən Report xəbər verib.
Əməliyyat zamanı 2018-ci ilin mart ayında rayon sakini İ.Əmirova məxsus 21 baş xırdabuynuzlu heyvanı oğurlayaraq zərərçəkmişə 3 500 manata yaxın maddi ziyan vuran iki nəfər saxlanılıb. Saxlanılanların rayon sakinləri Şamil Kazımov və onun tanışı, əvvəl məhkum olunmuş Elbrus Muradov olduqları aşkar edilib. Hər iki şəxs törətdikləri cinayəti etiraf edib.
Eyni zamanda, məlum olub ki, E.Muradov bu ilin may ayında rayondakı mağazaların birindən 300 manat pul, 150 manat dəyərində danışıq kartları və bir ədəd noutbuk oğurlayıb.
Faktlarla bağlı araşdırmalar davam etdirilir.
