İmişlidə vətəndaşlara qarşı 160 min manatdan çox dələduzluq edilib. Bu barədə Report məlumat verib.
Məlumata əsasən, Sabirabad rayon sakini özünü iş adamı kimi təqdim edən şəxsin ona qarşı dələduzluq etdiyini, Bakı şəhərində ev verəcəyi vədləri verərək ona məxsus ümumi dəyəri 37 108 manat olan iri və xırdabuynuzlu heyvanlarını, ot bağlamalarını, qızıl-zinət əşyalarını və 4 900 manat pulunu ələ keçirdiyini Polis İdarəsinə bildirib.
Əməliyyat nəticəsində sözügedən əməli törətməkdə şübhəli bilinən və əvvəllər məhkum olunmuş İmişli rayonunun Xəlfəli kənd sakini saxlanılıb. Araşdırma zamanı məlum olub ki, həmin şəxs daha bir şəxsin 144 baş iribuynuzlu heyvanlarını ələ keçirib və zərərçəkmişə 120 600 manat maddi ziyan vurub.
Faktla bağlı araşdırma aparılır.
