106 kiloqram 495 qram narkotik vasitəyə bənzər maddələrin və 4 000 ədəd psixotrop tərkibli həblərin qaçaqmalçılıq yolu ilə İrandan Azərbaycana keçirilməsinin qarşısı alınıb. Bu haqda mayın 18-də DSX xəbər yayıb.
Mayın 12-də “Horadiz” sərhəd dəstəsinin xidməti ərazisində Füzuli rayonunun Qazaxlar kəndi yaxınlığında sərhəd pozuntusu aşkar edilmişdir. Ərazidən 9 kiloqram 400 qram marixuanaya bənzər maddələr götürülmüşdür.
May ayının 15-də “Göytəpə” sərhəd dəstəsinin xidməti ərazisində Yardımlı rayonunun Abasallı kəndi yaxınlığında 4 nəfər sərhədi pozmuşdur. Havaya xəbərdarlıq atəşi açıldıqdan sonra qaçaqmalçılar bağlamaları yerə ataraq İrana - geri qaçıblar . Oradan 79 kiloqram 595 qram narkotik vasitə və 4 000 ədəd metadon həbləri aşkar olunub.
May ayının 17-də “Göytəpə” sərhəd dəstəsinin xidməti ərazisində Yardımlı rayonunun Alçabulaq kəndi yaxınlığında 2 nəfər silahlı müqavimət göstərib və avtomatdan atəş açıblar. Onlar da İrana - geri qaçıblar. 17 kiloqram 500 qram marixuana, 1 ədəd silah, 20 ədəd patron, 1 ədəd gecəgörmə cihazı və 40 qutu “KENT” markalı siqaret aşkar olunaraq götürülmüşdür.
Əməliyyatlar nəticəsində hadisə yerinə yaxın ərazidə 1 nəfər Azərbaycan vətəndaşı saxlanılıb. Hal-hazırda şəxsiyyəti müəyyənləşdirilir.
