İrandan Azərbaycana 11 kiloqramdan artıq narkotikin və 3 956 ədəd psixotrop tərkibli həblərin qaçaqmalçılıq yolu ilə keçirilməsinin qarşısı alınıb. Bu barədə iyunun 14-də Dövlət Sərhəd Xidmətindən məlumat verilib.
İyunun 1-də İmişlinin Aranlı kəndi yaxınlığında İrandan Azərbaycan istiqamətində dövlət sərhədini pozmaq istəyən bir nəfər saxlanılıb. Onun 20 yaşlı Cəlilabad sakini Fərəc Abbaszadə olduğu müəyyən edilib. Əlindəki bağlamadan 3 kiloqramdan artıq narkotik götürülüb.
Analoji hadisələr Astaranın Züngüləş və Alaşa kəndində qeydə alınıb.
Mayın 31-də keçirilmiş əməliyyat nəticəsində 29 yaşlı Ərçivan kənd sakini Gündüz İmaməliyev saxlanılıb. Gizlətdiyi çantadan 8 kiloqrama yaxın narkotik və psixotrop tərkibli həblər aşkar edilib.
İyunun 8-də Lənkəran sakini 40 yaşlı Kənan Ağayev 400 qram narkotiklə saxlanılıb.
Faktlar üzrə əməliyyаt-istintaq tədbirləri dаvаm еtdirilir.
