İyunun 26-da İlham Əliyev Kəlbəcər şəhərinin Baş planı ilə tanış olub, İşğal və Zəfər muzeyləri kompleksinin təməlini qoyub. Bu haqda iyunun 27-də ölkə rəhbərinin mətbuat xidməti məlumat verib.
Şəhərin mərkəzi hissəsində çoxmənzilli binalar, ətraflara doğru isə həyətyanı sahəsi olan fərdi evlər inşa olunacaq. Növbəti 20 il ərzində Kəlbəcər şəhərinin ərazisinin 237 hektara, əhalisinin sayının isə 17 min nəfərə çatacağı proqnozlaşdırılır.
Həmçinin məlumatda deyilir ki, İşğal və Zəfər muzeyləri kompleksi şəhərin mərkəzində salınacaq parkda tikiləcək.
