Bakıda keçmiş məhkum təmir sexindən avtomobil qaçırıb, daha sonra onu qardaşına bağışlayıb. Bu barədə mayın 18-də Report məlumat verib.
Sumqayıt şəhər sakininə məxsus “Hyundai” markalı avtomobil mayın 17-nə keçən gecə Biləcəri qəsəbəsindəki avtomobil təmiri sexinin həyətindən oğurlanıb.
Daha sonra avtomobil Gəncə şəhər sakini tərəfindən Yeni Gəncə qəsəbəsi ərazisində idarə edilərkən saxlanılıb. Avtomobilin ona əvvəllər narkotiklərlə bağlı cinayətə görə məhkum olunmuş qardaşı tərəfindən bağışlanıldığı məlum olub.
Faktla bağlı araşdırma davam edir.
