Bakıda yol qəzası törədən və nəticədə iki vətəndaşın ölümünə səbəb olan 20 yaşlı şəxsin cinayət işi üzrə ibtidai istintaq başa çatıb. Bu barədə APA dekabrın 7-də məlumat verib.
Hadisə 2021-ci ilin 17 avqust tarixində Xətai rayonunun Babək prospektində baş verib.
Şübhəli bilinən şəxs sağ zolaqda yüksək sürətlə idarə etdiyi “Audi” markalı avtomobil ilə onunla eyni istiqamətdə hərəkət edən “VAZ” markalı avtomobili vurub.
Qəza nəticəsində ikinci avtomobilin sərnişini və 28 yaşlı sürücüsü xəstəxanaya çatdırılsalar da, dünyalarını dəyişiblər.
Videogörüntülərə əsasən, piyadalar son anda qəzadan xilas olublar.
Cinayət işi üzrə toplanılan materiallar Bakı Ağır Cinayətlər Məhkəməsinə göndərilib.
