Sabunçu rayonunun Kürdəxanı və Maştağa qəsəbələri ərazisində daxili küçələrdə əsaslı təmir işləri aparılır. Bu haqda iyunun 24-də Azərbaycan Avtomobil Yolları Dövlət Agentliyi məlumat verib.
Kürdəxanı qəsəbəsində təmir işləri 1 700 metr uzunluğu olan Arif Abdullayev küçəsi, 45-46-cı dalanlar üzrə həyata keçirilir. Maştağa qəsəbəsində isə uzunluğu 1 100 metr olan Xanlar yaşayış massivi, 1-ci keçid üzrə təmir işləri gedir.
2021-ci ildə Sabunçuda ümumi uzunluğu 9 kilometr təşkil edən küçələr təmir edilib. 2022-ci ildə rayon üzrə 12,7 kilometrlik küçələrin təmiri nəzərdə tutulub.
