Suvarma suyunun itkisiz olaraq əkin sahələrinə çatdırılması üçün Laçın rayonundakı torpaq məcralı kanallar beton üzlüyə alınır. Bu barədə İnsanoid “Azərbaycan Meliorasiya və Su Təsərrüfatı” ASC-yə istinadən bu gün, 11 oktyabr tarixində məlumat verir.
Hazırda bu işlər rayonun Fingə kəndində həyata keçirilir. Fermerlər artıq taxılın suvarılmasını apararaq biçinini həyata keçiriblər. İndi isə payızlıq taxıl əkilib ki, hazırda həmin sahələrin suvarılması davam edir.
Suyun maneəsiz axınını təmin etmək üçün kanallarda mütəmadi olaraq, lildən təmizləmə işləri aparılır. Bundan başqa, kollektor-drenaj şəbəkələri də hazırda lildən təmizlənir və torpaqların şoranlaşmasının qarşısı alınır.
Laçın rayonunun ümumi ərazisi 32 000 hektara yaxındır. Bunun 18 510 hektarı suvarmaya yararlı sahələrdir. Onun da 12 600 hektarı kənd təsərrüfatı məqsədi ilə istifadə olunur.
