Lənkəranda ata oğlunu ehtiyatsızlıqdan yük maşını ilə vuraraq öldürüb. Bu barədə mayın 24-də APA məlumat yayıb.
Hadisə rayonun Horavenc kəndində qeydə alınıb. 43 yaşlı Zöhrab Quliyev idarə etdiyi “Zil” markalı avtomobillə hərəkətdə olarkən darvazanı açmaq üçün maşından enən oğlu, 9 yaşlı Nemət Quluzadəyə ehtiyatsızlıqdan xəsarət yetirib. Uşaq xəstəxanaya çatdırılsa da, həyatını xilas etmək mümkün olmayıb.
DİN-dən bildirilib ki, dünyasını dəyişən şəxsin qardaşı xəstəxanada xidmət personalı ilə mübahisə edib, iki nəfərə xəsarət yetirib. Hazırda faktla bağlı araşdırma aparılır.
