Mayın 22-də Lənkəran şəhərində “KOB Fest” sərgi-satış yarmarkası keçirilib. Bu barədə 23 may tarixində Kiçik və Orta Biznesin İnkişafı Agentliyinin (KOBİA) rəsmi səhifəsində məlumat verilib.
Məlumata əsasən, tədbirdə 70-ə yaxın mikro və kiçik sahibkarın 500-dən çox adda qida və qeyri-qida məhsulları, eləcə də sənətkarların və yaradıcı şəxslərin əl işləri təqdim edilib. Yarmarkada Lənkəran, Astara, Masallı, Cəlilabad, Biləsuvar, Lerik və s. rayonlardan olan sahibkarlar iştirak ediblər. Onlar tərəfindən çay, düyü, sitrus meyvələri, mebel, müxtəlif qida məhsulları, hədiyyəlik əşyalar, əl işləri, bank, təhsil və tibb xidmətləri nümayiş edilib.
Qeyd edək ki, bu ölkədə keçirilən sayca 4-cü “KOB Fest”dir. Bundan əvvəl “KOB Fest” Bakı, Gəncə və Şəmkirdə keçirilib. Növbəti yarmarkalar Sumqayıt, Şəki və Qubada təşkil ediləcək.
[URIS id=49623]
