Səhiyyə Nazirliyi Lənkəran və Xaçmaz ərazilərində yerləşən çimərliklərin vəziyyətini yoxlayıb. Bu barədə iyunun 20-də nazirlikdən məlumat verilib.
Lənkəranın Sütəmurdov kəndi və Aşağı Nüvədi qəsəbəsində dəniz suyunun bakterioloji çirklənmə göstəricilərinin normadan dəfələrlə yüksək olması halları aşkar edilib.
Həmçinin Xaçmaz rayonunun Niyazoba kəndindəki çimərlikdə dəniz suyunun laboratoriya müayinə nəticələrində bakterioloji çirklənmə göstəricilərinin normadan çox olması müəyyən olunub.
Qeyd olunanlarla əlaqədar, sözügedən çimərlik ərazilərində çimməyin qadağan olunması barədə qərarlar qüvvədə saxlanılıb.
