Azərbaycan Mərkəzi Bankı (AMB) bazarın inkişafı, investorların hüquqlarının qorunması və investisiya əməliyyatlarının tənzimlənməsi istiqamətində tədbirlər həyata keçirməyi planlaşdırır. Bu barədə 8 dekabr tarixində Mərkəzi Bankın nümayəndəsi Arif Cəlilov Trend-ə məlumat verib.
Arif Cəlilovun sözlərinə görə, kapital bazarına dair səlahiyyətlərinin AMB-a verildikdən sonra tənzimləyici qiymətli kağızlar bazarının inkişaf strategiyası planını qəbul edib.
"Bununla bağlı üç istiqamətdə iş aparılır: kapital bazarının hüquqi bazasının tənzimlənməsi, əməliyyat infrastrukturunun təkmilləşdirilməsi və kapital bazarının dəstəklənməsi. Bütün bu istiqamətlər üzrə müvafiq tədbirlər həyata keçirilir", - deyə Cəlilov bildirib.
Bu layihə 2023-cü ilə qədər olan dövrü əhatə edir.
