Mədəniyyət naziri Anar Kərimov iyunun 17-də ölkəmizdə səfərdə olan qətərli həmkarı Şeyx Əbdülrəhman bin Həməd əl-Tani ilə görüşüb. Bu haqda məlumat qurumun Facebook hesabında paylaşılıb.
Görüşdə ölkələr arasında mədəniyyət sahəsində əlaqələrin inkişafından, həyata keçirilməsi nəzərdə tutulan layihələrdən danışılıb. Həmçinin Qətərdə Azərbaycan mədəniyyəti günlərinin keçirilməsi, azərbaycanlı və qətərli şairlərin kitablarının tərcümə və çap olunması müzakirə edilib.
Xarici ölkənin rəsmisi IX Bakı Qlobal Forumunda iştirakından məmnunluğunu bildirib.
