Danimarkanın “AP. Moller-Maersk” nəqliyyat və logistika qrupu Azərbaycan ərazisindən keçən Orta Dəhliz üzərindən Çin və Avropa arasında yeni dəmir yolu xəttini işə salır. Bu barədə şirkətdən verilən məlumatda deyilir.
Məlumata əsasən, yüklər Çinin müxtəlif şəhərlərindən Qazaxıstanın Aktau limanına daşınaraq, oradan Azərbaycana çatdırılacaq. Daha sonra dəmir yolu vasitəsilə Gürcüstanın Poti limanına və oradan Rumıniyanın Konstanta limanına çatdırılaraq, Avropaya daşınacaq. Yüklərin çatdırılma müddəti təxminən 40 gün təşkil edəcək.
Qeyd edək ki, “AP. Moller-Maersk” şirkəti dünyanın 130 ölkəsində fəaliyyət göstərir.
