May ayı ərzində ümumi dəyəri 15 milyon 842 min 429 manat оlan qaçaqmal, habelə tütün məmulatları, spirtli içki və əntiq əşyalar saxlanılıb. Bu barədə iyunun 1-də Dövlət Sərhəd Xidməti məlumat verib.
Ümumilikdə 316 kiloqram 240 qram narkоtik vasitə və 8 010 ədəd psixotrop maddə qanunsuz dövriyyədən çıxarılıb.
Həmçinin ötən ay ərzində Azərbaycan dövlət sərhədini pozan 41 nəfər saxlanılıb. Onların 27-si Azərbaycan, 2-si İran, 2-si Ukrayna, 2-si Tacikistan, 2-si Mərakeş, 2-si Pakistan, 1-i Hindistan, 1-i Özbəkistan, 1-i Kot-Divuar, 1-i Litva vətəndaşları olub.
Sərhəd rеjim qaydalarını pоzduqlarına görə 123 nəfər barəsində müvafiq tədbirlər görülüb. Axtarışda оlan 230 nəfər, ölkədən çıxışı qadağan olan 357 nəfər, girişi qadağan olan isə 27 nəfər saxlanılıb.
