“Milan Hospital” MMC-nin rəhbərinin vergi və sosial ödənişlərdən yayındığına görə onun Azərbaycandan çıxışı qadağan edilib. Bu haqda iyulun 5-də Baku TV xəbər yayıb.
Dövlət Vergi Xidməti məhkəməyə müraciət edərək X.Muradovanın ölkədən getmək hüququnun müvəqqəti məhdudlaşdırılması barədə qətnamə qəbul edilməsini xahiş edib. Verilən məlumata görə, şirkətin dövlət büdcəsinə 7 774 manat vergi və sosial ödənişlərlə bağlı borcu var. Hospital rəhbəri məhkəməyə gəlmədiyindən işə onun iştirakı olmadan baxılıb.
Dövlət Vergi Xidmətinin saytında bu günə olan məlumatlara əsasən, “Milana Medical” MMC vergi ödənişlərini ödəyib.
