Maliyyə naziri Samir Şərifovun iştirakı ilə Milli Məclisin İqtisadi siyasət, sənaye və sahibkarlıq komitəsinin iclasında 2021-ci ilin dövlət büdcəsinin icrası müzakirə edilir.
Nazir bildirib ki, ötən il pandemiya ilə mübarizəyə 261 milyon ayrılsa da, bu məbləğ kifayət etməyib və ümumi 807 milyon manat vəsait xərclənib. Onun sözlərinə görə, ötən il Azərbaycanda müdafiə və milli təhlükəsizlik xərclərinə 21% çox, 4,5 milyard manatdan çox vəsait ayrılıb. Nazir qeyd edib ki, 2021-ci ildə işğaldan azad edilmiş ərazilərin minalardan təmizlənməsinə 98 milyon manata yaxın vəsait xərclənib.
Nazir əlavə edib ki, 2021-ci il sosial-iqtisadi baxımdan uğurlu il olub: “Dünya bazarında neft qiymətlərinin artması iqtisadiyyatın gözləniləndən daha tez bərpa olunmasına şərait yaradıb”.
