Mingəçevirdə dekabrın 28-də evdə partlayış olub, 2 nəfər yaralanıb. Bu barədə FHN-in Mətbuat Xidmətindən məlumat verilib.
Ümumi sahəsi 120 m² olan birmərtəbəli 4 otaqlı evdə qaz sızıb və partlayış baş verib. Nəticədə evin dam örtüyü çöküb, divarları dağılıb və 12 m² sahədə taxta konstruksiyaları yanıb.
Partlayış zamanı evdə olan 2 nəfər müxtəlif dərəcəli yanıq xəsarətləri ilə xəstəxanaya çatdırılıblar.
Partlayışın dalğasından həyətdə dayanmış "VAZ" markalı minik avtomobilin şüşələri sınıb, qonşu evlərin dam örtüyünə və pəncərə çərçivələrinə ziyan dəyib.
Yanğın söndürülüb. Evin qalan hissəsi yanğından mühafizə olunub.
